పండగవేళ పసుపు రాసుకుందామా!
ఈ సమయంలో సంప్రదాయంగా కనిపించాలనుకోవడం సరే.. మరి దానికి తగినట్టూ మనమూ సహజంగా మెరవాలి కదా. గబగబా ఏదో ఒక పూత వేసేసుకోకుండా.. వంటింట్లో ఉండే పసుపుడబ్బాను తీసుకుని ఇలా చేసి చూడండి.
* అరచెంచా పసుపులో చెంచా తేనె కలిపి ముఖానికి రాసుకుని పది నిమిషాల తర్వాత కడిగేసి చూడండి. ముఖం తాజాగా కనిపిస్తుంది.
* చర్మం శుభ్రపడాలంటే.. చెంచా నిమ్మరసం, అరచెంచా పసుపూ కలిపి ముఖానికి రాసుకోవాలి. సున్నిత చర్మతత్వం ఉన్న వాళ్లు నిమ్మరసంతో పాటూ గులాబీ నీళ్లు కానీ, పాలు కానీ కలుపుకోవాలి.
* రెండు చెంచాల గంధం, అరచెంచా పసుపూ, కొన్ని చుక్కల గులాబీ నీళ్లు కలిపి ముద్దలా చేసుకోవాలి. దీన్ని ముఖానికి పూతలా వేసి పావు గంట తర్వాత గోరువెచ్చని నీళ్లతో కడిగేస్తే ముఖం మృదువుగా, అందంగా మారుతుంది.
* అరచెంచా పసుపు, రెండు చెంచాల పాలు కలపాలి. దూది ఉండను ఇందులో ముంచి ముఖంపై రాసి ఐదు నిమిషాల తర్వాత కడిగేయాలి. చర్మంలో పేరుకున్న జిడ్డూ, మురికీ పోయి.. ముఖంలో కళ కొట్టొచ్చినట్టు కనిపిస్తుంది.
No comments:
Post a Comment