పెదవులకు లిప్స్టిక్ వేసుకుంటే వాటి అందం రెట్టింపు కావాలి. అంటే.. బాగా కొట్టొచ్చినట్టు కనిపించే రంగును పెదవులకు వేసుకోవాలని కాదు. దాన్ని వాడేముందు చిన్నచిన్న జాగ్రత్తలు తీసుకోవడం తెలిసుండాలి.
* చాలామంది ముఖంపై చూపించిన శ్రద్ధ పెదవులపై పెట్టరు. దాంతో పెదవుల్లో మృతకణాలు పేరుకుపోతాయి. దానివల్ల లిప్స్టిక్ వేసుకున్నా పెదవులు పొడిబారతాయి. ఈ సమస్య ఎదురుకాకుండా ఉండాలంటే వారానికోసారి కొద్దిగా టూత్పేస్టులో చక్కెర కలిపి పెదవులపై రుద్దుకుని కాసేపయ్యాక కడిగేయాలి.
* ఏదో ఒక రంగు కాకుండా మీ పెదవుల ఆకృతికి సరిపోయే లిప్స్టిక్ని ఎంచుకోవాలి. అంటే.. మీ పెదవులు పల్చగా, చిన్నగా ఉంటే ముదురు రంగులకు ప్రాధాన్యం ఇవ్వాలి. ఒకవేళ నిండుగా, కాస్త లావుగా ఉంటే.. లేత ఛాయల్ని వాడాలి.
* లిప్గ్లాస్ని రాసుకున్న వెంటేనే లిప్స్టిక్ వేసుకుంటే.. పెదవులు మెరుస్తున్నట్లు కనిపిస్తాయి. కొన్ని సందర్భాలకు అది చూడ్డానికి కూడా బాగోదు. అందుకే అలంకరణ చేసుకునే ముందే లిప్గ్లాస్ రాసుకోండి. ఇతర మేకప్ అంతా పూర్తయ్యేసరికి అది ఆరిపోతుంది. అప్పుడు లిప్స్టిక్ వేసుకుంటే సరిపోతుంది.
* వేసుకున్న లిప్స్టిక్ ఎక్కువ గంటలు అలాగే తాజాగా కనిపించాలనుకుంటే.. పెదవులపై టిష్యూని ఉంచి, దానిపై కొద్దిగా పౌడరు చల్లుకోండి. అప్పుడు అదనంగా ఉన్న రంగు ఆ కాగితానికి అంటుకుంటుంది. ఇలా చేయడం వల్ల పెదవులు ఎక్కువసేపు తాజాగా కనిపిస్తాయి.
No comments:
Post a Comment