తరచూ ముఖం కడిగేస్తున్నారా!
కొందరికి తరచూ ముఖం కడుక్కునే అలవాటు ఉంటుంది. అది మంచిదే కానీ.. అలా కడుక్కుంటున్నప్పుడు తీసుకోవాల్సిన జాగ్రత్తలూ కొన్ని ఉన్నాయి.
ముఖం కడుక్కోవడానికి ముందు తప్పనిసరిగా చేతులు శుభ్రం చేసుకోవాలి. లేదంటే చేతులకున్న బ్యాక్టీరియా, ఇతర క్రిములు చర్మంలోకి వెళ్లిపోయి మొటిమలు వచ్చే ప్రమాదం ఉంటుంది.
* మేకప్ వేసుకునే అలవాటు ఉన్నవారు తప్పనిసరిగా దాన్ని తొలగించుకున్నాకే ముఖం కడుక్కోవాలి. మేకప్ వేసుకున్నప్పుడు చర్మగ్రంథులు తెరచుకుని ముఖం మీద ఉన్న క్రిములన్నీ లోపలికి చేరి చర్మ సమస్యలు వస్తాయి. అందుకే దాన్ని ముందు క్లెన్సర్తో తొలగించుకుని, తరవాత ఫేస్వాష్తో కడగాలి.
* ఈ కాలంలో స్నానానికే కాదు... ముఖం కడుక్కోవడానికి కూడా చాలామంది వేణ్నీళ్లని వాడతారు. ఇలా చేస్తే చర్మం పొడిబారే ప్రమాదం ఉంటుంది. కాబట్టి ముఖానికి మాత్రం చన్నీళ్లనే వాడాలి.
* చలికాలంలో చర్మాన్ని గట్టిగా రుద్దకూడదు. పొడిబారిన చర్మాన్ని స్క్రబ్లు ఇంకా ఇబ్బంది పెడతాయి. వాటిని వారానికోసారి ఉపయోగిస్తే చాలు. అలానే రోజూ రెండుసార్లకు మించి ఫేస్వాష్ కూడా వాడకూడదు.
* పొడి చర్మం ఉన్నవారు మాత్రం ముఖం కడుక్కున్న ప్రతిసారీ మాయిశ్చరైజర్, కాస్త కొబ్బరినూనె రాయాలి. లేదంటే చర్మం పొడిబారే సమస్య ఇంకా పెరుగుతుంది.
No comments:
Post a Comment