చీర కట్టుకుంటే వయసు ఎక్కువగా కనపడుతుందనుకుంటారు కొందరు. కాదు, చీరలోనే అసలైన అందం దాగుందంటారు మరికొందరు. ఎవరి అభిప్రాయం ఎలా ఉన్నా.. మన శరీరాకృతిని బట్టి చీరకట్టడంలో కొన్ని కిటుకులు తెలిసుండాలి.
* అందంగా కనిపించాలంటే ముందు శరీర ఆకృతికి సరిపోయే చీరను ఎంచుకోవడం తెలుసుండాలి. ప్రింట్లూ, కొన్ని రకాల డిజైన్లూ శరీరాకృతిని ఒక్కో తీరుగా కనిపించేలా చేస్తాయి. అందుకే మీ ప్రాధాన్యానికి అనుగుణంగా చీరల్ని ఎంచుకోండి.
* షిఫాన్‌, జార్జెట్‌, క్రేప్‌ రకాల చీరలైతే తక్కువ బరువుండి.. ఒంటికి అతుక్కుపోయి మిమ్మల్ని సన్నగా, నాజూగ్గా కనిపించేలా చేస్తాయి.
* చాలా పెద్దగా, ఎక్కువ వెడల్పు అంచులున్న చీరల వల్ల ఎత్తు తక్కువగా కనిపిస్తారు. అందుకే చిన్న అంచులున్న, లేదంటే అసలు అంచుల్లేని వాటికే ప్రాధాన్యం ఇవ్వాలి.
* కేవలం చీరలే కాదు.. మనం ఎలా కనిపించాలన్నది చీర కట్టుకునే విధానంపైనా ఆధారపడి ఉంది. కొంగును వీలైనంత సన్నగా వేసుకోవాలి. లేదంటే నడుము భాగం ఉబ్బెత్తుగా ఉండి మీరూ లావుగా కనిపించే అవకాశం ఉంది.
* ‘నేను బాగా లావుగా ఉన్నా’ అని పదే పదే గుర్తు చేసుకోకండి. దీనికి బదులు బరువు తక్కువగా ఉండే చీరల్ని ఎంచుకోండి. అలాగే చిన్న చిన్న ప్రింట్లు ఉన్న చీరల్ని కట్టుకుంటే సన్నగా కనిపించొచ్చు.
No comments:
Post a Comment